Leikstjórn Egill Andrason og Mikael Emil Kaaber
Verkið fjallar um vinahóp úr Verzló sem hafa haldið sambandi eftir skólagöngu sína. Einn daginn fara þau öll saman í matarboð og þar stinga þau upp á stórhættulegum samkvæmisleik sem virkar þannig að allir setja símana sína á borðið og lesa öll skilaboð upphátt, sýna allar myndir og svara öllum simtölum á speaker. Þar koma upp allskyns leyndarmál sem hefðu aldrei frést ef ekki hefði verið fyrir leikinn. Þessi sýning er alveg bráð fyndið og dramatísk þar sem ástarsambönd eyðileggjast og vinasamband slítast í sundur. Verk sem svo sannarlega heldur öllum á tánum og hjartanu á hundrað!
Helgina 30-31 ágúst fór Listónefnd ásamt ferska leikhópnum sínum til Vestmannaeyja. Farið var m.a. í sund, út að borða, bakarí og auðvitað að spranga um miðja nótt. Það var eins og var hellt úr fötu það var svo mikil rigning en það stoppaði engan og gerði ferðina bara frekar kósý. Þetta var gott og laggott hópefli til að hrista hópinn saman og setti standardinn fyrir æfingar sem svo hófust stuttu eftir.
Comments